Секцыя 1. ГІСТАРЫЧНЫ КАНТЭКСТ СВЯТОГА ПІСАННЯ

2. «Іліяда» Гамера

I стагоддзе нашай эры. Музей хрысціянскіх місій, Паўднёвая Карэя

«Іліяда» Гамера была адным з самых папулярных і ўплывовых твораў старажытнага свету. Захавалася каля 2 700 асобнікаў «Іліяды», што ставіць яе на другое месца пасля Бібліі. «Іліяда» выкарыстоўвалася падчас адукацыі і паслужыла грунтам для грэчаскай міфалогіі.
Гэты папірус утрымлівае частку найважнейшага літаратурнага твора класічнага свету –«Іліяды» Гамера. Гамер быў грэчаскім паэтам, якія жыў у IX стагоддзі да н.э. «Іліяда» апавядае пра драматычныя падзеі Траянскай вайны на прыкладзе жыцця ахейскага воіна па імені Ахіл, пра яго трагічны лёс і наступствы неабдуманых учынкаў. Тут утрымліваецца каля 1/3 поўнага слупка з папіруснага сувоя з 28 радкамі з другойчасткі «Іліяды» Гамера. Гэты спіс датуецца I ст.н.э. – часам Новага Запавету. «Іліяда» была свайго роду «бібліяй» класічнага свету і мела вялікі ўплыў на фарміраванне культуры, адукацыі і рэлігійнай ідэнтычнасці грэка-рымскага свету. Пасля Бібліі «Іліяда» была найбольш часта капіяваным рукапісным тэкстам Старажытнага свету. Захавалася больш чым 2700 копій. Для параўнання, існуе больш за 40 000 захаваных рукапісных копій Бібліі, зробленых да 1455 г.,гэта значыць да часу вынаходніцтва друку з рухомымі літарамі. Большасць рукапісаў «Іліяды», які той, што прадстаўлены на выставе, адносяцца да перыяду ранняй Рымскай Імперыі –часу адраджэння класічнай адукацыі. Пунктуацыя і іншыя тэхнічныя аспекты ў напісанні тэксту паказваюць на тое, што дадзены папірус быў прафесійна выкананай копіяйдля студэнтаў і адукаваных чытачоў. У тэксце папірусу захавалася частка выдатнага спісу ахейскіх цароў, герояў і караблёў, якія адправіліся ў Трою. Спісы падобнага кшталту, якія праслаўляюць герояў з розных месцаў, былі распаўсюджаны ў старажытных эпасах. Дадзены папірус з’яўляецца самым раннім пацвярджэннем праўдзівасці большай часткі ўрыўка. Відавочна, гэты папірус быў пашкоджаны і забракаваны ў старажытнасці. Потым, разам з іншымі забракаванымі папірусамі, ён быў выкарыстаны паўторна для стварэння чахла муміі, адкуль і быў выняты пазней. Так захаваліся шматлікія важныя папірусы.